Sport-Futboll/ Superliga, Kampionati I 77-Të Në Botë
TIRANË, 23 Korrik/ ATSH - Gjergji Mima/ - Superliga shqiptare renditet në vendin e 77-të në botë, sipas klasifikimit të këtij viti të Institutit Ndërkombëtar të Historisë dhe Statistikave të Futbollit (IFFHS).
Superliga ka gjithsej 143 pikë dhe renditet e 30-ta në Evropë, duke humbur 14 pozicione nga renditja e vitit të kaluar (ishte në vendin e 63-të në botë).
Ndër të gjithë kampionatet në Ballkan, vetëm Kroacia renditet një pozicion më mirë se Shqipëria, ndërsa kampionatet e tjera renditen më poshtë.
Bullgaria renditet e 78-a, Serbia e 79-a, Maqedonia e 86-a, Bosnje-Hercegovina e 94-a, Sllovenia e 95-a dhe Mali i Zi i 108-i.
Ky institut analizon çdo vit kampionatet më kompetitive dhe në bazë të disa statistikave dhe analizave bën edhe renditjen e përgjithshme.
Për këtë vit vendin e parë e ka marrë Spanja (vjet ishte Anglia), i konsideruar si kampionati më i fortë në Botë.
- Renditja e kampionateve sipas IFFHS
Spanja 580 pikë
Brazil 577
Argjentina 536
Italia 508
Anglia 486
Gjermania 457
Franca 413
Peru 407
Kili 362
Paraguaj 357
....
76. Kroacia 144
77. Shqipëria 143
78. Bullgaria 142
79. Serbia 141
/f.n/
