Himarë, 23 Korrik 2010 NOA – Një zjarr i fuqishëm që po rrezikon të përhapet gjerësisht,l ka nisur në zonën pyjore te kodrat e Himarës, raporton një bashkëpunëtor i agjencisë NOA që ndodhet në vendngjarje.
Nuk ka të dhëna nëse zjarri është i qëllimshëm siç ka ndodhur rëndom çdo vit nga fshatarët e zonës që duan të fitojnë kullota për bagëtitë, por një grup policor ka nisur menjëherë hetimet.
Raportohet se ekipe zjarrfikësish dhe shpëtimi kanë nisur udhëtimin drejt vendit të ngjarjes me mjete nga Repartet e Mbrojtjes Kundër Zjarrit të Sarandës dhe Vlorës.
