Presidenti I Kosovës, Fatmir Sejdiu, Viziton Sot Tiranën
TIRANË, 24 Korrik/ATSH/.- Presidenti i Republikës së Kosovës, Fatmir Sejdiu, zhvillon sot një vizitë informale në Tiranë.
Axhenda e vizitës së Presidentit Sejdiu përfshin takime të veçanta me Presidentin shqiptar, Bamir Topi dhe me kryeministrin Sali Berisha, me të cilin do të japë dhe një konference për shtyp.
Vizita në Tiranë e Presidentit Sejdiu vjen dy ditë pas dhënies së opinionit këshillimor nga Gjykata Ndërkombëtare e Drejtësisë, e cila e vlerësoi shpalljen e pavarësisë së Kosovës më 17 shkurt 2008 plotësisht legjitime. /a.s//a.ke/
