Shënim - Bashkimi Evropian Formon Zyrtarisht Shërbimin Diplomatik
K
BRUKSEL, 26 korrik /ATSH-MIA/ - Bashkimi Evropian formoi sot zyrtarisht shërbëmin diplomatik, njoftuan burime të ndryshme.
Formimi i shërbimit diplomatik të Bashkimit Evropian do të konfirmohet nga ministrat e Punëve të Jashtme të 27 vendeve anëtare të BE-së, të cilët do të takohen në Bruksel.
Shërbimi është parashikuar në Marrëveshjen e Lisbonës, që hyri në fuqi më 1 dhjetor të vitit të kaluar dhe detyra e tij është përmirësimin i paraqitjes së BE-së në arenën ndrëkombëtare.
Pritet që përfaqësuesja e lartë e Bashkimit Evropian për Politikë të Jashtme dhe Siguri, Catherine Ashton të njoftojë emrat e shefave të 30 përfaqësive të Unionit në vendet e huaja, funksione për sistemimin e të cilave vendet anëtare zhvilluan një luftë të ashpër.
Sot do të bëhet e ditur se cilët do të jenë ambasadorët e BE-së në Kinë, Brazil, Argjentinë si dhe në përfaqësinë ekzistuese të BE-së në OKB.
Sipas burimeve diplomatike përfaqësuesi i lartë i përhershëm i Unionit në organizatën botërore do të jetë spanjoll.
Është parashikuar që 10 funksione t'u besohen diplomatëve nga shtete të ndryshme, ndërsa 20 të tilla zyrtarëve nga Brukseli./
a.jor.
