Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Kriza politike, Topi takohet sërish me Withers
English

Kriza politike, Topi takohet sërish me Withers

Tiranë, 27 Korrik, NOA – Pas një sërë takimesh të zhvilluara së bashku muajt e fundit, në kuadrin e diskutimeve mbi krizën politike që ka përfshirë vendin prej një viti, presidenti i Republikës parashikohet të zhvillojë sërish një të tillë me ambasadorin amerikan në Tiranë, John Withers.

Lajmi i bërë paraprakisht me dije nga burime presidenciale për agjencinë e Lajmeve NOA, pohon se takimi është parashikuar të zhvillohet në orën 11:00 në mjediset e Presidencës dhe pritet që gjatë tij, kreu i shtetit Bamir Topi dhe ambasadori amerikan të bisedojnë për situatën aktuale politike.

Ndërkaq, në takimin e fundit që kanë zhvilluar së bashku, përkatësisht në datën 2 qershor, Presidenca sqaroi se dy personalitetet kanë diskutuar, përveç situatës politike dhe për çështjet e gjyqësorit.

Gjë që nënkupton se diplomati amerikan dhe kreu i shtetit janë ndalur dhe në rrëzimin e kandidaturave nga Kuvendi për anëtarë në Gjykatën Kushtetuese, të të dekretuarve të presidentit.

Për këtë çështje ambasadori amerikan ka mbajtur një qëndrim të ashpër ndaj mazhorancës dhe asaj që u vlerësua si votim politik.

“Biseda mes kreut të shtetit shqiptar dhe përfaqësuesit diplomatik të aleatit më të madh dhe partnerit më të rëndësishëm strategjik të Shqipërisë u përqendrua në situatën aktuale politike në vend dhe çështjeve të gjyqësorit shqiptar për sa u përket zhvillimeve më të fundit në këtë spektër”, komunikoi Presidenca atëherë.

Ndërsa këtë radhë, pritet që të merret në shqyrtim ndoshta edhe çështja e mendimeve në ligjin për Shërbimin Informativ Shtetëror.

n.e/NOA

KOMENTE