Kinë - Fmn: Rritja Është E Fortë, Konsumi Të Jetë Motori I Ekonomisë
NJU JORK, 28 korrik /ATSH-ANSA/ - Kina u godit rëndë nga kriza financiare globale, "por përgjigja e menjëhershme, e fortë dhe efikase e autoriteteve arriti të zbusë impaktin te ekonomia dhe të garantojë që Kina të drejtojë rritjen globale", thuhet në një raport të Fondit Monetar Ndërkombëtar për ekonominë kineze.
"Prodhimi i Brendshëm Bruto në Kinë do të rritet këtë vit me 10.5 për qind dhe perspektivat për inflacionin janë të mira. Dhe rritja do të vazhdojë të jetë e fortë", thuhet më tej në raport.
Duke e ftuar Pekinin të vazhdojë përparimet në rrugën e liberalizimit të sistemit financiar, FMN-ja sheh si sfidë të vërtetë "orientimin e ekonomisë drejt konsumeve private".
/e.v/
