Korçë, 29 korrik, NOA – Ka varur veten, por më pas ka mundur t’i shpëtojë vdekjes pasi të afërmit që e kanë gjetur në atë gjendje, e liruan menjëherë duke e drejtuar më pas në spital, ku aktualisht gjendet në gjendje të mirë shëndetësore.
Fjala është për një 74-vjeçar me inicialet S.M., i cili është gjetur i vetëvarur në mjediset e shtëpisë së tij.
Ngjarja bëhet me dijeni për agjencinë e Lajmeve NOA nga burimet policore të Korçës, të cilat konfirmojnë se ajo ka ndodhur konkretisht në fshatin Kamenicë të e Korçës.
Ndërsa mësohet se 74-vjeçari tashmë ndodhet i shtruar në spitalin e Korçës, jashtë rrezikut për jetën pasi ka marrë ndihmën mjekësore.
Mjekët pohuan se ky i moshuar vuan prej 4-vjetësh nga depresioni nervor dhe me këtë fakt, ata e argumentuan faktin e vetëvarjes së tij.
Nga ana tjetër, u kryhen veprimet proceduriale për veprën penale të “Shkaktimit të vetëvrasjes, e mbetur në tentativë”, parashikuar nga neni 99 dhe 22 të Kodit Penal, kurse materialet përkatëse iu kaluan prokurorisë për hetime të mëtejshme.
n.e/NOA
