Indi - Cameron Mbron Komentet Kritike Ndaj Pakistanit
NJU DELHI, 29 korrik /ATSH-MIA/ - Kryeministri britanik David Cameron ka mbrojtur komentet e tij kritike bëri dje për Pakistanin, duke thënë se ato ishin të sinqerta dhe të qarta.
Cameron tha se ai nuk i kishte dëmtuar marrëdhëniet e Britanisë me Pakistanin.
Udhëtimi i tij në Indi është eklipsuar pjesërisht nga një polemikë diplomatike në lidhje me Pakistanin fqinj.
Dje, Cameron e akuzoi Islamabadin se "po nxiste eksportimin e terrorizmit".
Kjo deklaratë bëhet vetëm disa ditë pas bërjes publike të dokumenteve sekrete amerikane për luftën në Afganistan. Ato jepnin hollësi për lidhjet e dukshme mes shërbimeve sekrete pakistaneze dhe militantëve talebanë në Afganistan.
Komentet kanë shkaktuar zemërimin e Pakistanit.
Ambasadori pakistanez në Londër e akuzoi kryeministrin Cameron se po dëmton perspektivën e paqes në rajon.
David Cameron tha se ishte e rëndësishme që të flitej sinqerisht për problemet ashtu siç ato shihen. "Kjo është ajo që njerëzit presin nga qeveria e tyre," deklaroi ai.
Kryeministri britanik tha se do të vazhdojë të shpreh atë që mendon. "Politika e jashtme britanike - shtoi ai - duhet të jetë realiste, praktike dhe e vendosur".
/e.v/
