Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Kosove: Hyseni Takon Ne Nju Jork Ban Ki-Moon, Kerkon Zevendesimin E Rezolutes 1244
English

Kosove: Hyseni Takon Ne Nju Jork Ban Ki-Moon, Kerkon Zevendesimin E Rezolutes 1244

4 PRISHTINË, 2 Gusht /ATSH-B.Jashari/.- Ministri i Punëve të Jashtme i Republikës së Kosovës, Skender Hyseni, takoi sot në Nju Jork Sekretarin e Përgjithshëm të Organizatës së Kombeve të Bashkuara, Ban Ki-Moon, ku ka kërkuar zëvendësimin e Rezolutës 1244 të Këshillit të Sigurimit. "Ministri Hyseni dhe Sekretari i Përgjithshëm Ki-moon kanë folur për një gamë të gjerë çështjesh në lidhje me Rezolutën 1244 të Këshillit të Sigurimit, praninë e UNMIK-ut, zhvillimet e përgjithshme në Kosovë, njohjet, bashkëpunimin rajonal, veçanërisht në kontekstin e ri që është krijuar pas dhënies së mendimit këshillëdhënës të Gjykatës Ndërkombëtare të Drejtësisë", sapo bëhet e ditur nga Ministria e Jashtme kosovare në një njoftim nga takimi në Nju Jork. "Në këtë takim, ministri Hyseni ka kërkuar zëvendësimin e Rezolutës 1244 të Këshillit të Sigurimit. Në këtë kontekst, ministri ka thënë se kërkesa për zëvendësim të Rezolutës 1244 nuk drejtohet kundër UNMIK-ut, i cili ka kryer një mision të mirë në Kosovë, por kërkesa mbështetet në ndryshimin rrënjësor të rrethanave pas shpalljes së Pavarësisë së Kosovës dhe pas mendimit të Gjykatës Ndërkombëtare të Drejtësisë", theksohet në njoftim. "Nga ana e tij, Sekretari i Përgjithshëm i OKB-së ka thënë se, zëvendësimi i Rezolutës është një çështje që duhet të shqyrtohet nga Këshilli i Sigurimit, i cili është kompetent për të vendosur për këtë", vihet ne dukje ne njoftim. Po ashtu, ministri Hyseni ka bërë të qartë qëllimin final të Republikës së Kosovës për t'u bërë anëtare e Organizatës së Kombeve të Bashkuara. "Sekretari Ki-Moon, nga ana e tij, ka thënë që është i njohur me aspiratat për t'u bërë anëtar të Kombeve të Bashkuara", theksohet në njoftim. Ministri Hyseni do të vazhdoj serinë e takimeve me përfaqësues të përhershëm nga vende që ende nuk e kanë njohur Republikën e Kosovës, si dhe me përfaqësues të organizatave të ndryshme ndërkombëtare, që kanë misione pranë Organizatës së Kombeve të Bashkuara. /a.ke/
KOMENTE