Pragë, 3 Gusht, NOA – Dukuria e lustracionit duket se po funksionon në vendet e Evropës Lindore dhe asaj Qendrore, ku ka nisur një proces i verifikimit të figurave të kohës së komunizmit, nëse ata kanë qenë apo jo spiunë të shërbimeve sekrete.
Një fakt i tillë duket po të citojmë edhe rastin e tërheqjes së diplomatit çek nga Maqedonia, Vaclav Mleziva, prej Republikës Çeke, pasi u tha se ai rezultonte në listën e ish-agjentëve të shërbimit sekret ushtarak të kohës së komunizmit.
Emrat e ish-agjentëve dhe krerëve të lartë të shërbimit sekret ushtarak të Republikës Çeke gjatë periudhës së komunizmit u publikuan nga Instituti Çek për zbardhjen e regjimeve totalitare në një faqe publike interneti.
E në këtë listë, rezultoi edhe emri i diplomatit Mleziva, i cili ishte duke kryer në fakt detyrën e sekretarit të parë të ambasadës në kryeqytetin e Maqedonisë, Shkup.
Ndërkaq, në Shqipëri ky proces duket se nuk ka nisur ende dhe ka ngecur, për shkak të pezullimit të zbatimit të tij nga Gjykata Kushtetuese.
n.e/NOA
