Uashington, 4 Gusht, NOA - Rrezikonte të pushohej nga puna, ku punonte në një kompani për shpërndarjen e birrës, në atë të “Hartford Distributor”.
Personi në fjalë Omar Thornton do të merrte pjesë në një takim disiplinor, pikërisht për rastin e tij.
Thornton, 34 vjeç, ishte një shofer i kësaj kompanie dhe kohët e fundit kishte probleme në punën e tij.
Disa fqinjë, pohuan se Thornton, afro-amerikan, ka vuajtur ngacmime të shumta racore për të cilat ai kishte vendosur të denonconte ndërmarrjen në të cilën punonte.
Kjo ishte dhe arsyeja e takimit të caktuar për çështjen e tij. Sipas disa përshkrimeve të kësaj ngjarje, thuhet se Omar ishte frikësuar për humbjen e punës. Të shtënat, është bërë e ditur se kanë ndodhur gjatë një ndryshimi turni, ne një moment kur në kompani ndodheshin rreth 50 punonjës.
Pas qëlloi mbi kolegët e tij me një pushkë të kalibrit 0,223 gjysmë-automatike, Thornton ka tentuar të vetëvritej.
Burimet policore bënë të ditur, se kanë qenë paktën tre të plagosur, duke përfshirë këtu një nga pronarët e kompanisë të shpërndarjes së birrës. Për ndërhyrjen në vendngjarje krahas policisë dhe automjeteve emergjente, ishte dhe një ekip teknikësh për bomba që kontrolluar makinën e Thornton për të siguruar se ka nuk ka pasur eksploziv në bord.
r.b/NOA
