Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
OKB: Rezoluta për Kosovën do të votohet në 14 shtator
English

OKB: Rezoluta për Kosovën do të votohet në 14 shtator

Nju Jork, 6 gusht, NOA – Rezoluta për Kosovën e paraqitur në Këshillin e Sigurimit nga Serbia do të diskutohet në seancën e 14 shtatorit.

Këtë vendim ka marrë Asambleja e përgjithshme e kombeve të Bashkuara lidhur me këtë rezolutë të Serbisë, e formuluar pikërisht pas mendimit këshillëdhënës të GJND-së, me qëllim që ta zhvlerësojë opinionin e Gjykatës Ndërkombëtare të Drejtësisë, sipas të cilit shpallja e pavarësisë së Kosovës në mënyrë të njëanshme nuk është në kundërshtim me të Drejtën Ndërkombëtare.

Këtë vendim të asamblesë, që erdhi pikërisht pas debateve në këshillin e Sigurimit, dy ditë më parë, e ka deklaruar për një gazetë serbe, zëdhënësi i presidentit të Asamblesë, Jean Victor Nkolo.

Lidhur me faktin se do të shpallet edhe një tjetër rezolutë këtë herë nga BE në mbledhjen e 14 shtatorit, Nkolo është shprehur se “Nëse ndodh të paraqiten dy projektrezoluta për të njëjtën çështje, kjo do të thotë se miratimi i të parës është njëherësh refuzim i të dytës, por gjithçka varet nga parashtruesi”.

Nkolo sqaroi në këtë kontekst se “në votim respektohet koha e paraqitjes së projektrezolutës, dhe kjo do të thotë se ajo që është paraqitur e para, do të votohet e para”.

Por, sipas diplomatit nga Kameruni, janë parashtruesit e çështjes ata që mund të vendosin tërheqjen e propozimit apo të kërkojnë rivotim të tij.

“Teksti i propozimit mund të pësojë edhe ndryshime, shpjegoi Nkolo, por me këto ndryshime dhe plotësime të projektit duhet të pajtohet edhe parashtruesi.

Zëdhënësi i presidentit të Asamblesë së OKB-së, theksoi se “nëse ndodh kështu në rend të ditës vihet versioni i plotësuar i tekstit. Por nëse parashtruesit nuk pajtohen me amendamentet e propozuara, mund të votohet edhe për këto ndryshime, para se të votohet dokumenti i parë origjinal”.

Në mbledhjen e fundit të këshillit të Sigurimit të kërkuar nga kryesuesja e radhës, Rusia, ministri i Jashtëm i Kosovës, Skënder Hyseni, formalisht i kërkoi Këshillit të Sigurimit që të miratojë një rezolutë të re, e cila do të pasqyrojë realitetin e krijuar me pavarësinë e Kosovës.

Duke iu referuar realitetit të ri të shtetit të Kosovës, Hyseni në këtë mbledhje u kërkoi të 15 anëtarëve të KS-së, që të zëvendësojnë rezolutën 12 44, e përpiluar për Kosovën qysh në vitin 1999.

mit/NOA
KOMENTE