Stamboll, 9 gusht, NOA - Miti i shoqëruesit të gjatë, elegant dhe me finesë gjatë fluturimit për pasagjerët, duket se qëndron ende i gjallë, të paktën për kompaninë ajrore turke “Turkish Airlines”.
Mësohet se kjo kompani i ka dërguar në shtëpi 28 të punësuarit e saj mbipeshë duke u pohuar se ata nuk mund të fluturojnë më në këtë gjendje, me kilogramët e shtuar, për të pretenduar që t’u bëjnë shoqëri pasagjerëve.
Kompania u ka dhënë atyre gjashtë muaj për të humbur peshë ndryshe, i ka paralajmëruar se nëse nuk do ta arrijnë dot këtë, ata do të humbasin vendet e tyre të punës. Punonjësit, 13 prej të cilëve janë femra, u dërguan në shtëpi në pushim pa pagesë.
n.e/NOA
