Korçë, 10 Gusht, NOA – Forcat e policisë së Korçës kanë arrestuar në flagrancë tre ptë rinj, të cilët në gjëndje të dehur kanë fyer, goditur dhe kundërshtuar me dhunë punonjësit e policisë të patrullës së përgjithshme.
Lajmi konfirmohet prej tyre për agjencinë e Lajmeve NOA, duke saktësuar se të ndaluarit janë përkatësisht Kledion Cale, 25-vjeç; Kostika Lace, 22-vjeç dhe Petro Selimllari, 41-vjeç; që të tre banues në Korçë.
Mësohet se ngjarja ka ndodhur në orët e mbrëmjes, tek lokal “Birra Panda” në qytetin juglindor.
Bëhet me dijeni se menjëherë nisën të kryhen veprimet hetimore proceduriale për veprën penale “Prishje e rendit dhe qetësisë publike”, “Kundërshtim i punonjësit të policisë”, “Goditje për shkak të detyrës, fyerje për shkak të detyrës”; të parashikuara nga nenet 274 , 236 ,237, 239 e 25 të Kodit Penal, ndërsa materialet iu kaluan prokurorisë së Korçës për veprime të mëtejshme.
n.e/NOA
