Moskë, 11 gusht, NOA – Rusia vendosi raketa të sofistikuara mbrojtëse në Abkhazi, një rajon pro rus sikundër edhe Osetia Jugore.
Këtë e bëri të ditur sot komandanti i Forcave ajrore të Rusisë, Aleksandër Zelin, i cili tha se Rusia ka vendosur raketa ajrore S-300, për të mbrojtur territorin e Abkhazisë.
Gjenerali Zelin nënvizoi ndër të tjera se trupat ruse, që po përdorin sistemin raketor në Abkhazi, do të punojnë bashkë me sistemin e mbrojtjes ajrore të ushtrisë ruse.
Sipas gjeneralit rus, ky bashkëpunim, synon, që t’i ofrojë Abkazisë dhe Osetisë së Jugut, dy krahinave pro ruse, mbrojtje kundër sulmeve ajrore.
Por, vendimet e Rusisë për mbrojtjen e territoreve të lartpërmendura janë pritur me shqetësim nga Tbilisi zyrtar, pasi dy krahinat Abkhazia dhe Osetia e Jugut zyrtarisht janë pjesë e Gjeorgjisë.
Por, parlamenti rus në vitin 2008, pas luftës me Gjeorgjinë, vendosi njohjen e dy zonave gjeorgjiane si shtete të pavarura.
mit/NOA