Tiranë, 11 Gusht, NOA – Punimet që po kryen Operatori i Shpërndarjes së energjisë në linjat e transmetimit Kinostudio-Lanabregas-Qafmollë, do të shkaktojë ndërprerje të furnizimit me ujë të pijshëm për dy ditë më radhë në zona të ndryshme të kryeqytetit.
Bëhet fjalë kryesisht për ato që furnizohen me ujë nga burimet e Selitës dhe Shën-Mërisë, si Qyteti Studenti, Tirana e re, Qendra e Tiranës duke shkuar deri në Kombinat, që të gjitha të ndara nga ato që furnizohen në fakt me ujësjellësin e Bovillës.
Lajmi është bërë me dijeni nga ndërmarrja e Ujësjellës-Kanalizimeve në Tiranë, sipas të cilës si pasojë e punimeve do të dalë jashtë funksionit stacioni i pompimit dhe për pasojë Tiranës do t'i mungojë 600 l/sek më pak ujë.
Kjo sasi do të reflektohet me mungesa të furnizimit për mijëra familje të kryeqytetit.
n.e/NOA
