Warning: file_get_contents(https://www.njoftime.net/service/xml-last-ads/): failed to open stream: Connection refused in /var/www/vhosts/lajme.gen.al/httpdocs/v2/site/controllers/genel.php on line 1153
Tribunali i Hagës i dhuron libra Fakultetit Juridik të Prishtinës
English

Tribunali i Hagës i dhuron libra Fakultetit Juridik të Prishtinës

Hagë, 11 gusht 2010 NOA - Tribunali i Hagës bëri një donacion të konsiderueshëm revistash juridike Fakultetit të Drejtësisë dhe Qendrës për të Drejtat e Njeriut pranë Universitetit të Prishtinës.

Donacioni përfshin një antologji gjithëpërfshirëse të Revistës Amerikane për të Drejtën Ndërkombëtare, Raporte Gjyqësore të Tribunalit, Revistën Evropiane për të Drejtën Ndërkombëtare, si dhe manualë dhe libra të ndryshëm juridikë mbi teorinë dhe praktikën e drejtësisë.

Tribunali angazhohet për promovimin e respektit ndaj sundimit të ligjit, gjë që është shumë e rëndësishme në ndërtimin e shoqërive bashkëkohore dhe në avancimin e këtyre vlerave sidomos në mesin e gjeneratave të reja kosovare.

Librat dhe revistat e dhuruara do të ndihmojnë shumë studentët e drejtësisë në Kosovë si dhe ekspertët juridikë që punojnë atje.

Meqë Tribunali po i afrohet përfundimit të mandatit të tij, Programi Outreach po i intensifikon përpjekjet e veta për t’u mundësuar bashkësive vendore njohuri dhe qasje më të madhe në sistemin e drejtësisë ndërkombëtare penale dhe të arriturat e Tribunalit në kuadër të tij.

Në këtë mënyrë, Programi Outreach përpiqet të rrënjosë trashëgiminë e Tribunalit anembanë rajonit të ish Jugosllavisë.

a.r/NOA

KOMENTE