Tiranë, 13 gusht, NOA – Shërbimet e Komisariatit të Policisë Nr.3 në kryeqytet kanë kapur dje 36 vjeçarin Aleks Mëhill Syla.
Sipas policisë, ky shtetasi banues në Kodër Kamëz, po ndiqet në gjendje të lirë për veprën penale të kanosjes.
Policia bën të ditur se Aleks Syla ishte shpallur në kërkim, në 6 gusht, nga drejtoria e policisë së Tiranës.
Ai dyshohej se në 30 korrik, ka kanosur për jetën, 40 vjeçarin Xhovalin Leka.
Sipas policisë ngjarja kishte ndodhur për motive të dobëta.
Aleks Syla po procedohet tashmë në gjendje të lirë nga Prokuroria e Tiranës, për veprën penale të kanosjes.
mit/NOA