Islamabad, 14 gusht, NOA - Për shkak të katastrofës së përmbytjeve, Sekretari i Përgjithshëm i Kombeve të Bashkuara Ban Ki Moon pritet të vizitoj Pakistanin. Sipas të dhënave nga Islamabadi ai do të vizitojë zonat e përmbytura dhe do të takohet me presidentin e vendit Asif Ali Zardari si dhe me kryeministrin Jusuf Raza Gilani.
Megjithë tensionet e vazhdueshme politike mes dy vendeve, India u ka ofruar refugjatëve në vendin fqinjë ndihma në vlerë prej rreth pesë milionë dollarësh.
Në një bisedë telefonike ministri i Jashtëm indian i premtoi solidaritet homologut të tij pakistanez Qureshi.
Organizata humanitare Malteser konfirmoi rastin e parë të sigurt të kolerës në veriperëndim të vendit.
Gjashtë pacientë të tjerë dyshohet se janë të prekur nga sëmundja. Sipas Kombeve të Bashkuara deri tani një e treta e Pakistanit është prekur nga përmbytjet.
NOA/DV
