Shkup, 15 gusht, NOA - Një avion sportiv është rrëzuar dje pasdite në hapësirën në afërsi të aeroportit sportiv Stenkovec në Shkup. Nga kjo fatkeqësi, piloti dhe nxënësi i tij që po ndiqte orët e fluturimit kanë pësuar lëndime të rënda, të cilat janë shtruar për trajtim mjekësor në Qendrën emergjente në Shkup.
Sipas informacioneve të para, avioni është rrëzuar, pasi ka pasur difekt në motorr. Mirëpo, piloti 51 vjeçar Nebojsha.A, ka arritur që të bëj uljen e detyrueshme në afërsi të aeroportit sportiv.
Avioni i rrëzuar është i prodhimit çek dhe bën pjesë në kategorinë e fluturakeve ultra të lehta. Një klub sportiv i Shkupit po shfrytëzonte avionin për trajnimin e kandidatëve të rinj.
NOA/INA
