Nju Jork, 23 gusht, NOA - Disa qindra mbështetës dhe kundërshtarë të propozimit për ndërtimin e qendrës myslimane kulturore, afër vendit të sulmeve terroriste të 11 shtatorit 2001, kanë mbajtur tubime në qendër të Nju Jorkut.
Kundërshtarët e këtij propozimi kanë kënduar këngë patriotike dhe kanë paraqitur fotografitë e sulmeve të dhunshme nga ekstremistët islamikë.
Dy rrugë më larg, një turmë tjetër kërkonte tolerancë dhe liri të religjionit dhe ngritjen e xhamisë.
Policia kishte vendosur barriera dhe kishte marrë masa parandaluese të sigurisë.
Nuk është raportuar për incidente.
Protestat kanë nisur pas deklaratës së Presidentit Obama për ngritjen e xhamisë. Pas kësaj deklarate sondazhe tregojnë një rënie të popullaritetit të Obamës. Ndërsa protestuesit nuk kanë ngurruar ta quajnë atë si mysliman.
a.k.NOA/RFE
