Durrës, 25 gusht, NOA – Një 72 vjeçar ka bërë një padi të rrallë në Komisariatin e Policisë së Durrësit ditën e djeshme.
I moshuari me inicialet Y. K, banues në Sukth të Durrësit ka thënë para uniformave blu se djali i tij e ka kërcënuar për ta vrarë me pistoletë, raporton korrespodenti i Agjencisë NOA në Durrës.
Por çudia e policisë ka qenë më e madhe kur në kontrollin e banesës së Y. K është gjetur vetëm një pistoletë lodër, të cilën e mbante djali i tij 20 vjeçar me inicialet S.K
72-vjeçari ka përshkruar detajet e momenteve kur djali i tij 20 veçar e ka kërcënuar. Ai ka thënë se mëngjesin e djeshëm, rreth orës 05:00 djali i tij i ka drejtuar pistoletën duke e kërcënuar se do e qëllojë.
Pas këtij denoncimi, policia ka shkuar në banesën e 72- vjeçarit dhe ka nisur kontrollin e imtësishëm për gjetjen e armës, me të cilën është bërë kërcënimi.
Policët kanë gjetur vetem një pistoletë lodër dhe disa fishekë luftarakë. Ndaj 20 vjeçarit ka nisur hetimi në gjendje të lirë.
a.k/NOA
