Prishtinë, 25 gusht, NOA – Policia e Kosovës ka vënë në pranga edhe dy persona lidhur me vrasjen në Vragoli, të ndodhur në 3 gusht.
Burime nga kjo polici thanë për agjencinë NOA se të arrestuarit janë 22 vjeçari Mehmet. K. nga Malisheva dhe 21 vjeçari Isuf. S. Nga zona e Fushë Kosovës.
Hetuesit rajonalë të Prishtinës kanë kryer hetime në rrugë operative për identifikimin e këtyre dy personave si bashkëpjesëmarrës të kësaj vepre penale të vrasjes.
Sipas policisë së Kosovës, i dyshuari Isuf. S. është ndaluar nga policisë në 20 gusht, pikërisht në vendin e tij të punës.
Ndërsa Mehmet. K. është ndaluar një natë më parë.
Bashkë me dy personat e arrestuar së fundmi po hetohen nga prokuroria e Prishtinës edhe të tjerët të arrestuar më parë për vrasjen në Vragoli.
mit/NOA
