Prishtinë, 4 shtator, NOA – Plot 4.7 miliardë euro numërohet të jetë shuma e arkëtuar nga sistemi doganor kosovar që nga mbarimi i luftës, përkatësisht gjatë një periudhe 11-vjeçare.
Një fakt i tillë u bë dije sot gjatë ceremonisë së zhvilluar në mjediset e drejtorisë së Doganës Kosovare, me rastin e shënimit të 11-vjetorit të themelimit të këtij institucioni.
Drejtori i përgjithshëm i Doganave, Naim Huruglica, tha me këtë rast se ka qenë pikërisht institucioni që ai drejton i cili ka mbajtur barrën kryesore për financimin e buxhetit të Kosovës.
Me këtë rast, ai ka kërkuar më shumë impenjim në të ardhmen nga stafi doganor për t’iu përgjigjur siç duhet sfidave të kohës dhe nevojave që paraqet arka e shtetit më të ri në botë për para’.
n.e/NOA
