Lezhë, 4 Shtator, NOA – Ka vjedhur një motoçikletë dhe më pas e ka shitur për 60.000 lekë.
Ky akt ka mjaftuar për ta vënë në ndjekje dhe kapur në flagrancë një 20-vjeçar nga fshati Torovicë i rrethit të Lezhës, i cili siç raportohet prej forcave të policisë për agjencinë e Lajmeve NOA, është mundur të arrestohet sot rreth orëve të para të mëngjesit.
Mësohet se i ndaluari është Jetmir Kolndreu, për veprën penale të “Vjedhjes”, e parashikuar nga neni 134 i Kodit Penal.
Nga ana e strukturave të policisë u kryen të gjitha veprimet e para hetimore dhe proceduriale, ndërsa po punohet për zbardhjen e plotë të ngjarjes e në cilësinë e provës materiale u bë edhe sekuestrimi i motoçikletës.
Materialet i kalojnë prokurorisë së Lezhës, në ngarkim të Kolndreut për veprime të mëtejshme hetimore.
n.e/NOA
