Tiranë, 5 shtator 2010 NOA - Goli i realizuar nga Roberto Carlos në 35 metër largësi në ndeshjen Francë-Brazil në vitin 1997, që shumë persona e konsiderojnë si më të bukurin e të gjithë kohërave, nuk është aspak një rastësi.
E kanë provuar fizikanët francezë me anë të një studimi në revistën “Journal of Physics”.
Goditja e dënimit, e cila fillimisht krijon idenë se nuk do të inkuadrojë aspak portën, në momentin e fundit ka marrë një trajektore të pazakontë.
Fizikanët zbuluan se gjuajta është karakterizuar nga veçoritë teknike të brazilianit dhe nga fakti se topi është goditur nga një distancë e largët nga porta.
r.b/NOA
