Lushnjë, 10 shtator, NOA – Forcat e policisë së Lushnjës kanë arrestuar në flagrancë dy persona të cilët rezultonin me një televizor të vjedhur.
Lajmi bëhet me dijeni prej tyre për agjencinë e Lajmeve NOA, duke pohuar se të ndaluarit janë Renato Bani, 18 vjeç dhe Donaldo Kadiu, 19 vjeç; që të dy të lindur në Lushnjë.
Arrestimi i tyre u bë për arsye se gjatë orëve të mesnatës, janë kapur në kushtet e flagrancës nga shërbimet e patrrullës së Përgjithshme, me një televizor 42 polësh të vjedhur në një lokal të qytetit të Lushnjës, në pronësi të një personi me inicialet D.M.
Ndërkaq, materialet proceduriale në ngarkim të të lartpërmendurve iu kaluan prokurorisë së Lushnjës për veprime të mëtejshme mbi veprën penale “Vjedhje në bashkëpunim”, e parashikuar nga neni 143 /2 i Kodit Penal.
n.e/NOA
