Athinë, 12 shtator, NOA - Disa mijëra njerëz kanë dalë në rrugët e Selanikut në shenjë proteste ndaj politikës së kursimeve të qeverisë greke. Ata protestuan kundër shkurtimeve të pagave dhe rritjes së taksave.
Por gjatë protestave një grup prej 500 personash u shkëput nga demonstratat dhe filloi të gjuajë gurë ndaj policisë.
Policia përdori shkopinjtë e gomës dhe arrestoi disa persona. Ministri i Financave Giorgos Papaconstantinou kishte siguruar më parë se qeveria nuk do të heqë dorë nga kursi i saj i kursimeve.
NOA
