Tiranë, 14 shtator 2010 NOA - Grupi Mercator, mundësoi dje festën e përurimit të “Qendrës ditore për personat me aftësi të kufizuar”. Kjo qendër do të mirëpresë 35 persona të cilët me anë të programit të trajnimeve profesionale do të orientohen drejt integrimit të tyre social.
Në këtë përurim, Grupi Mercator përveç organizimit të festës do ju dhuroi edhe shumë dhurata frekuentuesve të kësaj qendre rehabilitimi social.
Grupi Mercator ka mbështetur edhe më parë nisma me karakter social të institucioneve apo organizatave, si në ndihmën e ofruar për familjeve e përmbytura në Shkodër, kontraktimit të shërbimit postar të Fondacionit YAPS që punëson grupet në nevojë, si dhe mbështetjen e “Ditës Kombëtare të Jetimëve Shqiptarë”.
Grupi Mercator një nga zinxhirët tregtarë më të mëdhenj dhe më të suksesshëm në Europën Juglindore tashmë është i pranishëm edhe në Shqipëri në Qendrën Citypark.
e.r/NOA
