Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Ish-pronarët, letër publike Ina Ramës: Heto korrupsionin me pronat!
English

Ish-pronarët, letër publike Ina Ramës: Heto korrupsionin me pronat!

Tiranë, 14 shtator, NOA –Prokuroria përveçse korrupsionit të politikanëve me koncesionet, duhet të fillojë hetimet edhe atë që është kryer deri tani me pronat, në kurrish të kategorisë së ish-pronarëve.

Kjo është kërkesa publike, që përmes një letre, kryetari i Shoqatës Kombëtare të të Shpronësuarve “Pronësi me Drejtësi”, Rrapo Danushi, ia ka drejtuar kryeprokurores Ina Rama, duke i nënvizuar brenda saj se “tregues i pakundërshtueshëm i punës së dobët të prokurorisë është situata e korupsionit me pronat, veçanërisht në qarkun e Vlorës”.

“Për këtë situatë tejet të rëndë, unë ju kam vënë në dijeni zonja Prokurore e Përgjithshme, por ju nuk më jeni përgjigjur”, parashtron shqetësimin e tij Danushi.

Duke shtuar më pas se prokurorët e Vlorës kanë tendencën të mos marrin në konsideratë ankimet e drejta dhe t’i pushojnë hetimet për ankimet e të shpronësuarve nga diktatura. “Meqenëse në Qarkun e Vlorës anarkia e pronës është më e theksuar se kudo, sepse Kushtetuta dhe ligji që ia kthen pronën pronarit shkelet me të dy këmbët nga korrupsioni që ka molepsur zyrtarët, gjyqtarët dhe prokurorët”, parashtron përfaqësuesi i ish-pronarëve.

Për të kërkuar më pas nga prokurorja e përgjithshme që të bëjë publik bilancin e punës së prokurorisë Vlorë, se sa është numri i ankimeve penale për probleme prone që kanë bërë pronarët e shpronësuar, sa është numri i hetimve të pushuara, cilët janë prokurorët që i kanë pushuar çështjet, sa është numri i hetimeve të nisura kryesisht nga prokuroria e Vlorës dhe sa është numri i të ndëshkuarve për korrupsion me pronat.

“Ndjej detyrim moral të pohoj se ka edhe punonjës të ndershëm”, pohon mes të tjerash në letrën e tij Danushi.

Për të mos harruar as faktin se vlen të lavdërohet edhe njësia e përbashkët hetimore e task-forcës së prokurorisë.

“Eshtë në tagrin e Prokurores së Përgjithshme dhe detyrim moral dhe profesional i që të bëheni avangarda e luftës kundër krimit të organizuar me pronën që nuk po u kthehet subjekteve të shpronësuar. Prandaj në të mirë të punës tuaj dhe të rivendosjes së drejtësisë duhet të urdhëroni: rihapjen dhe rivlerësimin e të gjitha vendimeve për pushim të hetimeve që prokurorët kanë dhënë për kllzimet penale të të shpronësuarve, për pushtim toke, pengim në ekzekutim të vendimeve të gjykatës”, përfundon letra e të ish-shpronësuarve.

Për të konkluduar se “në të kundërt, ky proces që keni filluar është një lojë e sajuar midis qeverisë dhe prokurorisë për të mashtruar opinionin se gjoja prokuroria lufton korupsionin, kur në fakt korrupsioni mbrohet”.

n.e/NOA

KOMENTE