Tiranë, 22 Shtator NOA - Facebook ka ndryshuar rregullat e tregut. Prodhuesit më të mëdhenj të celularëve në të gjithë botën janë përpjekur për ti përshtatur prodhimet e tyre me rrjetin social Facebook. Por, duket se një ndryshim po vjen.
Prej disa ditësh nga media të ndryshme në të gjithë botën dhe ne internet po qarkullon lajmi se Facebook është duke nxjerrë Facebookfoninë e saj.
Me fjalë të tjera, sipas zërave, duket se kompania e Mark Zuckerberg po planifikon të lëshojë një telefon të ri celular në treg me çmime të ulëta. Lajmi është zbuluar nga siti TechCrunch.com dhe brenda disa orësh arriti në web në të gjithë botën.
Pajisja e re ka si qëllim të përsosë integrimin e Facebook rreth botës me anë të telefonisë celulare.
a.e./NOA
