Tiranë, 23 shtator, NOA – “Futini në brez shpatat e kërcënimeve pasi ju nuk mund të krijoni kaos kur nuk ka asnjë arsye!”.
Kjo ka qenë thirrja që kreu i grupit parlamentar demokrat, Astrit Patozi, iu ka drejtuar deputetëve të opozitës, lidhur me reagimin kritik dhe akuzat e tyre ndaj votimit për ligjin e pronave në seancën e kaluar plenare.
Sipas tij, sjellja e opozitës për të krijuar një kauzë të re, kur ajo nuk ekziston, është e pavend dhe në kundërshti me zhvillimet normale të vendit.
“Një detaj i votimit elektronik, nuk mund të kthehet në një çështje politike”, tha ai.
n.e/NOA
