Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Protesta e tregtarëve, Rama: Korrupsioni qeverisës bëri ligjin dhe Maliqin
English

Protesta e tregtarëve, Rama: Korrupsioni qeverisës bëri ligjin dhe Maliqin

Tiranë, 23 shtator, NOA, Update – “Shqetësimet e sipërmarrësve na kanë rezultuar absolutisht të mbështetura në prova e fakte, që tregojnë qartë se çmimi i kasave fiskale është në të vërtetë çmimi i korrupsionit”.

Kështu ka deklaruar kreu i opozitës Edi Rama në një konferencë për shtyp të mbajtur lidhur me protestën që tregtarët e biznesit të vogël po zhvillojnë prej dy ditësh pranë Medresesë.

Shefi i selisë rozë bëri me dije se dje pas protestës së tregtarëve të Medresesë, ai i ka kërkuar grupit të transparencës së qeverisjes një informacion mbi dosjen e kasave fiskale, që qeveria u kërkon bizneseve të vendosin.

Sipas lideri të opozitës edhe detyrimi që tregtarët t’i blejnë kasat me çmimet e vendosura që sipas tij janë shkatërruese për familjet shqiptare të shumë tregtarëve të vegjël, janë në të vërtetë gjobat e korrupsionit.

“Edhe presioni shtetëror e policor i përdorur dje mbi tregtarët e Medresesë në Tiranë është presioni i korrupsionit”, theksoi kreu i PS-së.

Duke filluar që nesër, deklaroi zoti Rama, “për të gjithë sipërmarrësit shqiptarë dhe qytetarët e këtij vendi të mbërthyer në tentakulat e korrupsionit qeveritar, ne do të hapim publikisht këtë dosje dhe do të nisim publikisht transparencën e kësaj historie të neveritshme korrupsioni që për fat të keq zë fill në zyrën e Ministrit të Financave të Republikës së Shqipërisë”.

Rama nënvizoi ndërkaq se puna për këtë transparencë ka nisur disa javë më parë, kur erdhën shqetësimet e para nga sipërmarrës të vegjël të Tiranës, Korçës, Beratit e Durrësit.

Ai theksoi në këtë kontekst duke ironizuar qeverisjen me një shprehje të njohur të veprës “Katërmbëdhjetëvjeç dhëndër të Çajupit, se “rezultatet e deritanishme të vëzhgimit të bërë nga grupi ynë i transparencës për çështjen e kasave fiskale janë, as më shumë e as më pak, po të mjaftueshme për të parë e kuptuar se, edhe në këtë rast, korrupsioni ka bërë ligjin e Maliqin bashkë”.

“Është makutëria e oborrtarëve të këtij pushteti të korruptuar, i cili vodhi votat për të vjedhur pastaj ç’i del përpara në tërë Shqipërinë, që po torturon sot jo vetëm tregtarët e Medresesë në Tiranë, po mijëra e mijëra sipërmarrje private në çdo qytet të Shqipërisë”, tha shefi i opozitës Edi Rama në daljen e tij publike në mbrojtje të kërkesave të tregtarëve të vegjël.

mit/NOA
KOMENTE