Prishtinë, Tetor, NOA/ Milena Selimi - Tetë shfaqje teatrore nga vende të ndryshme të Evropës do të prezantohen në skenën e festivalit “Kosovainfest” prej datës 3 tetor e deri më 10 tetor.
Nata e parë e festivalit “KosovaInfest” do të hapet nga teatri “Na Tahu”, Republika Çeke, që do të prezantohet me shfaqjen “Tri vuajtjet e qytetarit Vanek”, autor Vaclav Havel, me regji të Andrej Krob.
Në natën e dytë, më 4 tetor, ngjitet në skenë Polonia, me shfaqjen “Bobok”, autor Fjodor Dostojevski, regjia Grigori Lifanov.
Ndërsa Italia zbret në Kosovë natën e tretë të festivalit me shfaqjen “Seigradi”, me bashkautorë Arbib, Luca Brinch, Maria Carmela Milan, Pasquale Tricoci, Dario Salvagnini dhe Roberta Zanardo, regjia nga Kompania Santasangre. Në natën e katërt Vladimir Kosara bashkëproduksion Mali i Zi dhe Maqedonia “Zagorka PPO Antisoka Andovska Andovska”, me regji të Slobodan Milatoviq.
Në natën e pestë “Kujtimet e natës” nga teatri i objekteve surrealiste, me prezencën enigmatike të Philipp Bow nga Zvicra, nën regji të Matthias Ruttimann.
Në natën e gjashtë jepet shfaqja “Beselam pse më flijojnë” nga Teatri Kombëtar i Kosovës, me regji të Fatos Berishës ndërsa autor Rexhep Qosja.
Në natën e shtatë në skenë ngjitet shfaqja, “Kush ka frikë nga Virginia Woolf”, nga Teatri Kombëtar i Tiranës, në regji të Kushtrim Bekteshit dhe autor Eduard Albee.
m.s/n.e/NOA
