Tiranë, 2 tetor, NOA – Një 39 vjeçar i akuzuar për mashtrimin e disa personave duke u marrë paratë, të cilat nuk ua ka kthyer më është vënë në prangat e policisë së Tiranës.
Burime nga policia e kryeqytetit thanë se bëhet fjalë për të kërkuarin, 39 vjeçarin Arben Tole, i akuzuar për mashtrimin e disa shtetasve.
Ka qenë sektori i Forcës së Posaçme të operacioneve speciale dhe kërkimit që ndaluan Arben Stavro Tolen, banues në Tiranë, për të cilin në 16 prill të këtij viti Prokuroria e Tiranës kishte dërguar ekzekutimin e vendimit penal të formës së prerë të Gjykatës së Rrethit, që e kishte dënuar 39 vjeçarin me 10 vjet burgim duke e akuzuar për veprën penale të mashtrimit.
Arben Tole ishte shpallur në kërkim rreth 4 – muaj më parë dhe kapja e tij u arrit në rrugën “Mihal Grameno” në Tiranë.
39 Vjeçari, dyshohet se ka mashtruar disa shtetas duke i marrë atyre një shumë parash me përqindje, me pretendimin se do të hapte një aktivitet privat dhe më pas nuk ua ka kthyer më shumën e parave të marra.
mit/NOA