Bergamo, 4 tetor 2010 NOA - Një baby-hajdut, ka shpërndarë panik në një dyqan veshjesh në Bergamo të Italisë. 16-vjeçari hyri në qendrën komerciale me një çekiç në dorë me të cilin ai qëlloi titullarin e kësaj ndërmarrje që ishte me origjinë kineze.
Ka arritur të marrë 350 euro dhe më pas është zhdukur. Megjithatë vetëm pak çaste më vonë ai u arrestua nga policia në momentin që po kthehej në shtëpi.
Aktualisht i dyshuari i prangosur ndodhet në burgun e minoreneve “Becaria”, në Milano me akuzën e vjedhjes.
Pesë personat që ndodheshin në këtë dyqan duhet thënë se kanë kaluar momente me të vërtetë terrori pasi djaloshi mbante në dorë çekiçin në mënyrë tepër kërcënuese.
Kështu, dy klientë u futën në një dhomë, dy të tjerë në banje, ndërsa i fundit u largua nga dyqani duke lënë pronaren 38-vjeçare të dyqanit të vetëm me 16 vjeçarin.
Fatmirësisht menjëherë pas plaçkitjes, titullari lajmëroi menjëherë autoritetet, të cilët në sajë të përshkrimit të marrë arritën të gjurmonin të riun, i cili njihej si një “djalë i vështirë”.
r.b/NOA
