Prishtinë, 8 tetor – Ushtruesi i Detyrës së Presidentit të Kosovës, Jakup Krasniqi, zhvilloi sot një takim me përfaqësuesin special të Bashkimit Evropian në Kosovë, Pieter Feith, i cili e përgëzoi Presidentin Krasniqi për menaxhimin e mirë të situatës së krijuar dhe i ofroi mbështetjen e palëkundshëm të ICO-së.
Gjatë takimit, U.D i Presidentit, Krasniqi dhe Feith biseduan rreth shpërbërjes së Kuvendit të Kosovës dhe rreth datës potenciale të zgjedhjeve të ardhshme.
Krasniqi e falënderoi Feith për mbë
shtetjen e tij dhe theksoi se do të vazhdojë konsultimet me përfaqësuesit e subjekteve politike dhe me faktorët e tjerë, edhe nga bashkësia ndërkombëtare, për caktimin e datës potenciale të zgjedhjeve.
Gjatë bisedës të dy palët u konsultuan rreth çështjeve të privatizimit të PTK-së, obligimet e Komisionit Qendror të Zgjedhjeve dhe rreth mandatit të Krasniqit, që do të zgjasë deri më 28 mars 2010.
U.D i Presidentit të Kosovës Jakup Krasniqi dhe Pieter Feith ranë dakord që të vijojnë takimet e rregullta në mes tyre gjatë gjithë mandatit që Krasniqi do të ushtrojë funksionin e Presidentit.
NOA