Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Ekzekutohet një taksist i ish-Bllokut, gjendet i vdekur në Kavajë
English

Ekzekutohet një taksist i ish-Bllokut, gjendet i vdekur në Kavajë

Kavajë, 14 Tetor 2010 NOA – Një taksist është qëlluar me armë dhe është gjetur i vdekur pasditen e sotme në një rrugë dytësore pranë qytetit të Kavajës, raporton korrespondentja e agjencisë NOA.

Viktima është gjetur i vdekur pasi kishte marrë një plumb në kokë, në një nga rrugët pranë qytetit, konfirmoi për NOA, një burim zyrtar policor.

Dyshimet janë për shtetasin 49-vjeçar Urim Begu, banues në Tiranë, tek rruga “Irfan Tomini”, me profesion taksist, i denoncuar si i zhdukur disa orë më parë nga familjarët e tij.

Konfirmohet se sot paradite në ora 10.00, djali i Urim Begut ka denoncuar se i ati nuk gjendej prej disa orësh dhe telefonin celular e kishte të fikur. I biri i Begut tregoi se i ati punonte prej kohësh taksist në zonën e ish-Bllokut.

Disa orë pas denoncimit për zhdukje, Urim Begu u gjet i vdekur pasi ishte vrarë me plumb në kokë dhe ishte lënë në një rrugë dytësore të Kavajës tek vendi i quajtur "Kryqëzimi i Dautajve" pranë autoveturës së tij taksi me targa TR 217 C.

Policia ndodhet në vendngjarje dhe po përpiqet të zbardhë rrethanat e vdekjes së viktimës dhe autorët e krimit. Policia po hedh dyshime se vrasja e Urim Begut mund te kete lidhje me vrasjen e ndodhur ne Lushnje diten e sotme.

e.r/NOA

KOMENTE