Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
“Dhimbje dhe dashuri” në TKOB
English

“Dhimbje dhe dashuri” në TKOB

Tiranë, 15 tetor, NOA/ Milena Selimi - Po tentojnë në një gjini të gjatë të artit koreografik. Gerd Vaso dhe Enada Hoxha, të kudondodhur në spektaklet televizive dhe shfaqjet e TKOB-së me koreografitë e tyre, prezantohen përpara publikut për herë të parë në gjininë e baletit.

“Dhimbje dhe dashuri” do të jetë premiera e baletit, bazuar në jetën dhe krijimtarinë e Shopen-it, e cila do të shfaqet në TKOB në datën 16, 17 tetor.

“Dhimbje dhe dashuri” sjell në Teatrin Kombëtar të Operës dhe Baletit botën mondane dhe sallonet parisiene. Një jetë e fuqishme artistike dhe një vuajtje shpirtërore e shtypur nga realiteti dhe sëmundja-duket se këto janë dy boshtet kryesore ku koreografët kanë ngritur libretin e baletit të tyre. Koreografët ngrenë një paralele të fuqishme mes potencialit artistik të kompozitorit dhe vetmisë e trishtimit të tij, që shkaktohet nga fatet e vendit (revolucioni në Poloni).

Me një frymë kontemporane të lëvizjeve skenike, koreografët konceptojnë dhe premtojnë baletin që krijohet nga “Muzika e madhe që inspiron në çdo tingull lëvizje”.

Solistët Odeta Dishnica, Ledia Sulaj, Rovena Shqevi, Loreta Bala, Jonida Onuzi, Dion Gjinika, Evis Nallbani, Fatjon Lito, Elona Nallbani dhe trupa e baletit do të interpretojnë në muzikën e veprave të Frederik Shopenit, me kostumet e Ardi Asllanit, ndërsa skenografia është realizuar nga Taulant Pustina.

Baleti shfaqet me mbështetjen e Ministrisë së Turizmit, Kulturës, Rinisë dhe Sporteve, ambasadës së Polonisë dhe ambasadës së Francës në “Vitin muzikor Shopenian”.

n.e/NOA

KOMENTE