SHBA, 17 Tetor 2010 NOA/ Rid Bulku - Jeta e një vajze 2-vjeçare, Grace Freeman, është shpëtuar në sajë të një fotoje të publikuar në Facebook, e cila është vënë re nga një infermiere.
Ajo, duke kërkuar në albumin e fotografive të vogëlushes, vuri re një anomali.
Syri i djathtë i vogëlushes ishte i skuqur nga blici i aparatit, ndërsa ai i majtë qëndronte normal në ngjyrë të bardhë.
Për Nicola Sharp, që punon prej 20 vitesh në repartin e pediatrisë, nuk kishte asnjë dyshim: Bëhej fjalë për kancer.
Familja Freeman, pasi kreu analizat zbuloi se Grace vuante nga retinoblastoma, e cila formohej nga dy tumore të vegjël në syrin e majtë.
Sipas mjekëve, pa të “hetim” të mirë të infermieres do të ishte e pamundur të zbulohej në kohë ky tumor.
Tashmë vogëlushja ka humbur shikimin e saj në syrin e majtë, i cili duhet thënë mund të kishte qenë fatal për të.
Momentalisht Grace çdo katër javë duhet të shkojë në Birmingham për specifikime dhe trajtime me lazer.
r.b/NOA
