Shkup, 20 tetor, NOA - Numri i madh i kërkesave për përfitimin e azilit në Gjermani nga qytetarë të Serbisë, Maqedonisë dhe Malit të Zi dëmtojnë procesin e liberalizimit të vizave.
Kjo është theksuar nga ministri i landit të Bavarisë në Gjermani, Joakim Herman, i cili shtoi është rritur numri i qytetarëve të këtyre tre vendeve për të përfituar azilin.
“Në rast se do të rritet numri, Bashkimi Evropian duhet të shqyrtojë sërish procesin e liberalizimit të vizave, e cila ka hyrë në fuqi vitin e kaluar”, deklaroi Herman.
Në landin e Bavarisë deri më 15 tetor kanë kërkuar statusin e azilit 260 shtetas të Maqedonisë si dhe 130 shtetas të Serbisë.
Joakim Herman theksoi se një numër i madh i këtyre qytetarëve kanë aplikuar për status të azilit, duke u thirrur në burime të rrejshme se do të përfitonin shuma të majme parash, në rast të kthimit vullnetar në vendet e tyre.
Qeveria gjermane ka hequr plotësisht mbulimin e harxhimeve për azilkërkuesit, të cilët vullnetarisht pranojnë kthimin në vendlindjet e tyre.
NOA-INA
