Tiranë, 22 tetor, NOA – Kryeministri Sali Berisha deklaroi sot në mbledhjen e tryezës së partive politike se palët duhet të arrijnë konsensus. Ai u shpreh se “tryeza u jep përgjigjen më të mirë ligjore zgjedhjeve të ardhshme”.
Berisha vlerësoi dhe praninë e opozitës në këtë takim, duke theksuar se kjo është shenja e gjetjes së një konsensusi. Ai u shpreh se palët duhet të bien dakord që zgjedhjet e kaluara kanë qenë brenda standardeve.
“Duhet të kuptohemi që zgjedhjet e 28 qershorit, ishin zgjedhje demokratike që plotësuan standardet. Në këto zgjedhje nuk pati asnjë provë për manipulim të rezultatit apo numërim të parregullt”, tha Berisha.
Ai u shpreh se do të shqyrtojë me seriozitet ofertën e fundit të opozitës dhe do të ktheje një përgjigje. Ndërsa ka shtuar se kutitë e votimit nuk do të digjen asnjë herë.
“Zgjedhjet janë zbatim ligj ligji. Nuk pretendohet që në këto zgjedhje u zbatua në frymë dhe në gërmë me përpikëmëri Kodi Zgjedhor”, tha Berisha.
Berisha u shpreh se mazhoanca vjen në këtë takim "me zemër të hapur".
a.k/NOA
