Tiranë, 22 tetor, NOA - Ministri i Punëve të Jashtme, Edmond Haxhinasto u nis sot për në Bratislavë, ku do të marrë pjesë në takimin e Grupit të Vishegradit me Ballkanin Perëndimor.
Ky takim do të ketë në qendër të tij çështje që kanë të bëjnë me rajonin e Ballkanit Perëndimor. Temë kryesore e takimit është procesi i integrimit evropian, perspektiva euroatlantike dhe bashkëpunimin në këtë kuadër me vendet e Grupit të Vishegradit, Hungari, Çeki, Poloni dhe Sllovaki.
Veç këtij takimi, në Bratislavë, ministri Haxhinasto do të zhvillojë takime të veçanta dypalëshe me Ministrat e Punëve të Jashtme të Çekisë, Karel Schëarzenberg dhe të Polonisë, Radoslav Sikorski.Takimi zhvillohet në Bratislavë, me 22 tetor 2010, ku janë ftuar dhe Zv. Kryeministri dhe Ministri i Jashtëm belg, në cilësinë e Presidencës së BE-së, Komisioneri për Politikën e Zgjerimit dhe Fqinjësisë, si dhe Ministrat e Punëve të Jashtme të vendeve të Ballkanit Perëndimor.
a.k/NOA
