Tiranë, 22 tetor, NOA - Ish-anëtari laburist i Dhomës së Lordëve të Mbretërisë së Bashkuar, Baronin Filip Hant, u shpreh sot gjatë takimit me presidentin Bamir Topi se Anglia do të mbështes integrimin e Shqipërisë.
Gjatë takimit me kreun e shtetit, Lordi Hant theksoi mbështetjen e vendit të ti dhe u shpreh se ka rëndësi shumë të madhe mësimi dhe përhapja në mënyrë të gjerë e gjuhës angleze për konsolidimin e mëtejshëm të lidhjeve dhe komunikimit mes popujve dhe vendeve tona mike.
Lordi Hant është Kryetar i Bashkimit Anglishtfolës. Vizita e tij në Tiranë bëhet në kuadër të Konferencës Ndërkombëtare të Gjuhës Angleze.
Gjatë takimit Topi vlerësoi lart marrëdhëniet e shkëlqyera mes Shqipërisë me Britanisë e Madhe në të gjitha fushat.
Ai shprehu mirënjohjen për ndihmën dhe mbështetjen e vazhdueshme që qeveria e Britanisë së Madhe ka dhënë për konsolidimin e demokracisë dhe të institucioneve si dhe për mbarëvajtjen e proceseve integruese euroatlantike të Shqipërisë.
a.k/NOA
