Uashington, 26 tetor, NOA - HTC Knight, është një smartphone me sistem operativ Android që gjatë orëve të fundit i janë bërë të ditura disa nga karakteristikat.
Flitet se ai do të jetë i pranishëm në treg javët e ardhshme.
Celulari ka një ekran me prekje dhe është i pajisur me katër taste të tjera të tipit 'touch sensitive'.
HTC Knight mund të jetë i pajisur dhe me një shinë, e cila do të bëjë të mundur që ai të karakterizohet nga një tastier QWERTY dhe nga një altoparlant stereo, ashtu si në rastin e HTC 7 Surround me sistem operativ Windows Phone 7.
Duke u bazuar në informacionet e para që janë bërë të ditura flitet se lançimi i Knight po programohet vetëm për SHBA-në, nëpërmjet kompanisë së “Mobile Sprint”.
r.b/NOA
