Shkodër, 29 tetor, NOA – Për të luftuar fenomenin e fëmijëve që lypin rrugëve të qytetit, Policia e Shkodrës ka marrë masa të rrepta ndaj prindërve të tyre. Korrespodenti i Agjencisë NOA në Shkodër raporton se dy persona janë në ndjekje të lirë nga Prokuroria e Shkodrës pas denoncimit që u ka bërë policia si tutorë të fëmijëve të tyre.
Personat janë Alban A., 27 vjeç dhe Saimir B., 36 vjeç, të dy banues lagja Liria Shkodër.
Korrespodenti i Agjencisë NOA raporton se nga e policisë ka rezultuar djali 9 vjeçar i Alban A. dhe dy fëmijët Saimir B. përkatësisht 9 vjeç e 10 vjeç, shfrytëzohen nga vet prindërit për të lypur.
Prindërit i nxirrnin çdo ditë në rrugë, në vendin e quajtur Ura e Bunës për të lypur lëmoshë tek mjetet, që kalojnë në këtë aksin rrugor.
Dy personat akuzohen për “Keqtrajtimi të të miturve për qëllime përfitimi”.
a.k/NOA
