Shijak, 10 nëntor 2010 NOA – Një adoleshent i ka dhënë fund jetës në rrethinat e Shijakut dhe dyshimet e policisë janë se akti vetëflijues erdhi për shkak të një sherri në familje.
Viktima është Z. Elezi, vetëm 16 vjeçar, i cili u gjet i vdekur dje rreth ores 17.30, ne fshatin Gjepalaj në Shijak pasi ishte varur me litar ne kasollen e bagëtive.
Në vendin e ngjarjes grupi hetimor kreu veprimet e para dhe tha se po punohet per sqarimin e rrethanave të ngjarjes.
Hetimet janë lokalizuar tek pista e konfliktit në familje. Mësohet se i vogli ushqente ndjenja dashurore për një vajzë moshatare, por ajo konsiderohej e papranueshme nga prindërit e adoleshentit, pasi i përkiste komunitetit me ngjyrë.
Policia tha se materialet hetimore per vepren penale te shkaktimit te vetëvrasjes iu kaluan për ndjekje Prokurorise së Rrethit Durres.
e.r/NOA
