Karlsrue, Gjermani, 13 Nëntor 2010 - Nga zjarri që përfshiu kopshtin zoologjik në qytetin Karlsrue në Gjermani janë djegur 26 kafshë, njoftoi policia e qytetit.
Zjarri shpërtheu mëngjesin e sotëm, ndërsa 100 zjarrfikës zhvilluan betejë me erën e fortë për t'i lokalizuar flakët. Në pavijonin në afërsi kanë shpëtuar elefantët, ndërsa më së shumti pësuan kuajt e vegjël poni, dhitë e egra dhe një lama, kafshë nga Amerika jugore, raporton radio Evropa e Lirë.
