Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
“Milioneri” i Pëllumb Kullës dhe halli i pensionistëve në teatrin “Bylis”
English

“Milioneri” i Pëllumb Kullës dhe halli i pensionistëve në teatrin “Bylis”

Fier, 15 nëntor, NOA - Një premierë e suksesshme, e cila riktheu në Fier autorin dhe regjisorin Pëllumb Kulla, “Milioneri” është drama satirike, që u vu në skenën e Teatrit “Bylis” me ndihmën e asistentëve Arqile Lici e Dafina Llupi, dhe me skenografi të Pano Kondos e muzikë të Fatos Qerimit.

Ansambli i aktorëve me mjaft përvojë, përfaqësuar nga Luftar Paja, Artisti i popullit; Hasan Bregu, si dhe të ardhurit nga Italia e Greqia, Astrit Hasani e Arqile Lipe, Artist i merituar; si dhe mjaft të tjerë, si Fatmir Xhelili, Vasil Vaso, risollën në skenë emrin e madh të teatrit fierak.

Luftar Paja në rolin kryesor rikthehet si përfaqësues i atij brezi që ka frymëzuar Kullën për të shkruar dhe vënë në skenë dramën satirike “Milioneri”.

Një dramë që flet për problemet e brezit të tretë, pensionistët e lënë në harresë nga shteti, por edhe nga fëmijët e tyre.

Drama satirike e autorit Pëllumb Kulla ka në qendër të saj një të moshuar i cili, i braktisur nga fëmijët e vet në emigracion, vendos t’i japë fund jetës, por pikërisht në ato çaste kur ai merr vendimin sublim, i bie një lotari prej 250 milionë lekësh.

Ngjarjet, që zhvillohen më pas janë sa komike dhe tragjike, duke vijuar njëra-tjetrën, ndërsa batutat e humorit larg banalitetit mbajnë gjallë rrjedhën e ngjarjeve.

Pas peripecish, i moshuari, që erdhi në skenë nën interpretimin brilant të Luftar Pajës, shpëton, por paratë, që i solli fati në prag të vdekjes, ai i lë duke paguar bluzat e bardha. Jeta e tij vazhdon ashtu siç ishte para se ta takonte fati…

Drama satirike do të shfaqet më 15 dhe16 nëntor, ndërsa në premierë ishte i pranishëm edhe autori dhe regjisori i pjesës, Pëllumb Kulla.

m.s/mit/NOA
KOMENTE