Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Teknologjia e Informacionit, bizneseve u jepen 30 mln euro kredi
English

Teknologjia e Informacionit, bizneseve u jepen 30 mln euro kredi

Tiranë, 19 Nëntor, NOA - Qeveria shqiptare dhe ajo italiane kanë dhënë mbështetje financiare për zhvillimin e kompanive të Teknologjisë së Informacionit e të Komunikimit.

Kështu, sot në një ceremoni të veçantë u prezantua sot programi i përbashkët i këtyre qeverive për të mbështetur me kredi me interesa të ulëta bizneset e vogla dhe të mesme (SME) shqiptare, me qëllim zhvillimin e tyre.

“Çdo vend që ka dashur të zhvillohet me shpejtësi, që ka dashur zhvillimin e vet, në histori, ka gjetur mënyra të ndryshme për ta bërë këtë me sukses. Sot Shqipëria kërkon me shpejtësi të përqafojë masivisht Teknologjitë e Informacionit e të Komunikimit (TIK) në mënyrë që të ecë përpara me hapa të shpejtë, të ngushtojë hendekun dhe të arrijë vendet më të zhvilluara, si ato të BE-së. Qeveria ka luajtur dhe po luan në këtë fushë rolin e saj të pazëvendësueshëm. Buxheti i këtij viti për projektet e TIK-ut është sërish më i madh se buxheti i vitit të shkuar. Shqipëria ishte vendi i dytë në rajonin Evropë- Amerikë e Veriut, që mori çmimin nga OKB-ja për shërbimin publik të prokurimit elektronik, pas Gjermanisë. Por kjo nuk mund të arrihet pa partneritetin me sektorin e biznesit në këtë fushë dhe pa partneritetin me universitetet”, tha ministri Pollo lidhur me një fakt të tillë.

Programi i kredisë 30 milionë eurosh ka filluar të implementohet në janar 2009, është i financuar nga qeveria Italiane dhe qeveria shqiptare dhe përfshin tre komponentë të rëndësishëm:

- 25 milion euro është fondi i Linjës së Kredisë në favor të ndërmarrjeve të vogla dhe të mesme; 2.5 milion euro është fondi për krijimin e Fondit të Garancisë, i cili mbështet ndërmarrjet e vogla dhe të mesme për marrjen e kredive, kur ato kanë mungesë kolaterali dhe 1.7 milion euro donacion për Asistencën Teknike për realizimin e Programit.

n.e/NOA

KOMENTE